Hola a todos son Conchiña a mascota da E.I.M do Saviñao; aquí vivo feliz na miña pisciniña xogando cos nenos/as vendo como aprenden, como traballan, como se divirten....

Vouvos contar o que máis me gusta do meu fogar , vós xa sabedes que son moi curiosiña e ordenada, por iso, me encontro tan agusto aqui, ademais, no meu tempo de lecer pasoo de maravilla mirando a decoración do noso cole, que sempre está acorde coa época do ano na que estamos e mires para onde mires está todo fermosísimo.

Na escola temos un dia moi especial, os venres, que os dedicamos ós obradoiros que están  programados para cubrir as necesidades do seu desenvolvemento afectivo-social, da linguaxe, psicomotor e cognitivo; ademais sempre intentamos relacionalo coa temporada e os recursos que nos ofrece o medio.

Pero sen ningunha dúbida, o obradoiro que mais me gustou foi un que fixeron na miña honra; con cascas de noces e plastilina de cor verde fixeron tartarugas coma min, enchendo a escola de cunchiñas.